أمس تحركنا من أمام الهيئة العامه لقصور الثقافة بشارع أمين سامى الساعه الواحده والنصف تقريبا ، وقفنا فى أستراحتين ووصلنا السابعه والنصف مساءا . سكن الاعلاميون فى فندق "NEGRESCO" وسكنت الامانه العامه و باقى |أعضاء المؤتمر فى فندق "AIR BILL" والاخير قريب من قصر ثقافة محافظه مرسى مطروح وهو ما ستقام فية كافه فاعليات المؤتمر . قصر الثقافة مبنى نظيف وجميل (عكس قصور الثقافه التى زرتها فى الاقاليم) والمسرح واسع والكراسى جديده و"لسة بكيسها"، أقيم به أمس حفل أستقبال من المحافظه للمؤتمر .

الكلام دا مش حلو

أنا مش صحفى

يا جماعه أنا ضاع منى جاكت الصوف بتاعى فى ميدان عيد المنعم رياض و سأنشر نعى خاص بعدين للجاكت ، بس بقول أنه خد الشر وراح ، الحمد لله الغرفه التى سكنت فيها بها تكييف و مياه سخنة و كمان الاكل "أوبن بوفية" ، أمبارح بعد الحفل سهرنا كلنا على القهاوى وتعرفنا على بعض بصوره أكثر حميميه. عموما الصحفيين معايا بيقولوا أن المؤتمر دا منظم وهادى و دا تفائل خير بالمؤتمر، أستلمنا الشنط الخاصة بالمؤتمر وفيها الكتب و خلصت تقريبا كتاب الشهادات . هتابعكوا بالاخبار عن المؤتمر بس مش بالشكل التقريرى زى اللى فوق ، محمد عبد النبلى وأحمد عامر هيصوروا المؤتمر وهنزل الصور دى تباعا. هنزلكوا صور الحفل أمبارح لغايه من شوف اتلوضع إية.... والحمد لله أن فيه نت ، عشان كان مقطوع من مصر كلها . بس يا جماعه شكلها مش تمام عشان فيه صحفيين كتير وقفين على راسى عشان يستخدموا الكوبيوتر دا ... بس هتصرف و كمان هنزلكوا كتب المؤتمر وهحطها على جروب الفيس بوك هشان يبقى هناك مذيد من التفاعل

سلام دلوقت











0 تعليق:

Blogger Template by Blogcrowds